په یو زندان کې قید وم
لکه په ځان کې قید وم
توره تیاره وه په کې
زما به شپه وه په کې
یوه مرغۍ راسره هم بندي وه
له یو دیوال نه الوته په بل دیوال کیناسته
زما نه زړه زیات د هغې درزیده
زنځیر زندان د دروازې درزیده
او زه لګیا ومه سوری مې په دیوال کې ویسته
چې دا مرغۍ له دې زندان نه اوځي
د تورو شپو له دې جهان نه اوځي
اوس چې وتلې ده هماغه مرغۍ
له ځان سره نورې مرغۍ راولي
وايي بهر د انسان مرګ له انسانان ولاړ دي
مونږ له زندان ښه دې بهر راته ښکاریان ولاړ دي