افغان اتلان · ادب او کلتور
پښتو شعرونه
د پښتو شاعرانو نړۍ ته ښه راغلاست
299 شاعران4249 شعرونه
غزل
ساتلې مې اشنا په ټوله لاره ده په لپه کې رڼا
راوړې په سختۍ مې تر دې ښاره ده په لپه کې رڼا
احساس ورسره مل دی دراتلونکو ماښامونو په دې لار
راټوله دخپل ذات له انتشاره ده په لپه کې رڼا
خوشبو به دوجود يې د ژوند نوې هوا ويشي په هرلور
نن ځکه په نڅا له خپل خماره ده په لپه کې رڼا
چې کړې تماشه يې ستا د بام ده په مرګي هغې منصور
راوړې يې د ژوند له دغه داره ده په لپه کې رڼا
د وهم تورځنګل دی ،ښار تنها، په کې وسېږم له مودو
نيولې مې طايره! دې دپاره ده په لپه کې رڼا