افغان اتلان · ادب او کلتور
پښتو شعرونه
د پښتو شاعرانو نړۍ ته ښه راغلاست
299 شاعران4249 شعرونه
غزل
څراغه! دا زما شپې ته دې پام دے؟ لکه دود
چې خيال پکښې بيخي د قرار خام دے، لکه دود
سحره! خو د ګرد غوندې تير شوے يې په ما
ګيله د څۀ ؟ راغلے که ماښام دے، لکه دود
په خداے که پريوتلو ته مجبور يم لکه څاڅکے
په خداے که مې ختلو ته ناکام دے، لکه دود
شغلې! چې نازيدۀ دې په يارۍ .هاغۀ ته ګورم
په تور مخ يې اخستے درنه ګام دے، لکه دود
ممتازه! ملنګي، او بيا پروا د چاپلوسانو؟؟
په دې جنت کښې دغه شے حرام دے، لکه دود