افغان اتلان · ادب او کلتور
پښتو شعرونه
د پښتو شاعرانو نړۍ ته ښه راغلاست
299 شاعران4249 شعرونه
غزل
زړه دې وي او د تا ياد دې پکې نه وي؟
کور دې وي او څوک اباد دې پکې نه وي؟
ستا له ياده مې د ځان فکر اوباسي
دا ډيوه دې وي دا باد دې پکې نه وي
ستا په ښار کې دې د لاس بري قانون وي
او زمونږ غوندې برباد دې پکې نه وي
د واړه کلي دا خلک دې تل اوسي
خو دا دومره لوی تضاد دې پکې نه وي
د ممتاز نظر دې وي تاته غزله
خو خويونه د نقاد دې پکې نه وي