افغان اتلان · ادب او کلتور
پښتو شعرونه
د پښتو شاعرانو نړۍ ته ښه راغلاست
299 شاعران4249 شعرونه
غزل
سبا به ستا لکه د واورې سپينه خوله وي که نه؟
سبا به زه تږی د تا د ديدن يم که نه يم؟
سبا به ستا د تسلۍ ډکه موسکا وي که نه؟
سبا به زه داسې دلگير او غمجن يم که نه يم؟
سبا به ته داسې غني د ښکلا يې که نه يې؟
سبا به زه تاته نيولې لمن يم که نه يم؟
سبا به ته د ټولو خلکو اشنا يې که نه يې؟
سبا به زه د ټولو خلکو دوښمن يم که نه يم ؟
سبا به خدای خبر ما پېژنې که نه پېژنې؟
سبا به خدای خبر په تا زه مين يم که نه يم ؟