افغان اتلان · ادب او کلتور
پښتو شعرونه
د پښتو شاعرانو نړۍ ته ښه راغلاست
299 شاعران4249 شعرونه
غزل
یو داسې لیوتوب په آیینه باندې راځي
تصویر سره څرمنه په څیره باندې راځي
ارمان چې فیصلو دې راکولی حوصلی
افسوس دی حادثې هم اراده باندې راځي
رومي راله راکړي دي لمبی د معرفت
شیبې د مثنوي په زمزمه باندې راځي
شهرت دی ګمنامي ده که دولت دی که غربت
چې پټ ترې پاتې کیږې په ښکاره باندې راځي
یو ګل سره به ناڅي چنارونه د ځنګل
یو کس به ددی نورو په نامه باندې راځي
زړګی ټاکلی شوی دی د ژوند په وظیفه
مرګی به مې سعوده په نیټه باندې راځي