افغان اتلان · ادب او کلتور
پښتو شعرونه
د پښتو شاعرانو نړۍ ته ښه راغلاست
299 شاعران4249 شعرونه
غزل
خپل جنون ورته ښکاره کړه نور یې پریږده
بیا یې ګوره تماشه کړه نور یې پریږده
ګلابونه رڼاګانې او رنګونه
تشې سترګې ترینه زده کړه نور یې پریږده
په څراغ کې بی له سوزه بل څه نشته
ځان پرې وسیزه لمبه کړه نور یې پریږده
ژوند که دی نه هم سوا درته مشکل شي
پاک الله ورته اسره کړه نور یې پریږده
په غزل کې ګوتې مه وهه سعوده
تخیل دې ورسره کړه نور یې پریږده