افغان اتلان · ادب او کلتور
پښتو شعرونه
د پښتو شاعرانو نړۍ ته ښه راغلاست
299 شاعران4249 شعرونه
غزل
راوپس شول ارمانونه ، دريابونه
ښکلومه دې لاسونه ، دريابونه
په ماښام کې پاڼې،پاڼې راسره وي
ستا دسترګو کتابونه ، دريابونــــــــه
لکه څاڅکى مې له سترګونه رخصت شوې
دريابونـــــــــه ، دريابونــه ، دريابونـــه
بې امکانه رڼاګانې درسره دي
که بليږي څراغونه ، دريابونه
د نغمو او د سندرو په درياب کې
رانه پاتې اندامونه ، دريابونه
پرېشاني مې ده په ذهن کې طالبه!
راسره دي تصويرونه ، دريابونه