افغان اتلان · ادب او کلتور
پښتو شعرونه
د پښتو شاعرانو نړۍ ته ښه راغلاست
299 شاعران4249 شعرونه
غزل
په څادر کې مو راټولې کړې ساګانې
د الله،الله په شور کې پناه کيږي (ج)
هدېرې مو په روحونو کې ايسارې
زنده ګې لاړه په سور کې پناه کيږي
لـــــه هندارو نه پردې راغورځېدلي
تصويرونـــــو کې مو ناز د حـــادثو دى
په جذبو کې لوڅې،لوڅې سترګې ګرځو
نظرونو کې اغـــــــــــاز د حــــــــادثو دى
قدمونو ته رالندې شولې سترګې
رڼاګانې په قبرونو کې پرتې دي
په ښکلا پسې مو لاس د کاڼو رسي
په وجود کې مو شليدلي آيېنې دي
په جامونو کې مو څښلي دي سکروټې
پستې کوتې په پيالو کې وينې، وينې
په چينه کې مو زخمونه رابهر شول
رابهيږي په اوبو کې وينې،وينې
د سندرو پيغمبر سره ساه نه شته
د سازونو مــــــنارې راغورځيدلي
په ګډا،ګډا د ډمې سترګې ورکې
په تخچونو کې ډيوې راغورځيدلي