افغان اتلان · ادب او کلتور
پښتو شعرونه
د پښتو شاعرانو نړۍ ته ښه راغلاست
299 شاعران4249 شعرونه
غزل
بې نښانه و صورت په کې پيدا شو
د رنګونو محبت په کې پيدا شو
فلسفي سترګې دې ډکې شوې له عشقه
ليونيه ! شرارت په کې پيدا شو
تا راوکتل،کتل مې چې کتل دې
دکتلـــــو اجازت په کې پيدا شو
چې په ځمکه کې خوا رې رانه سجدې شوې
يو مستانــــــــــــه عبادت پــــه کې پيدا شو
زړه مې بيا هم زما زړه دی بې زړه نه دی
بې زړه مه شه بغاوت په کې پيدا شو
ما چې ځان له کاېناتو نه ځار نه کړ
د ساګانو امنت په کې پيدا شو
چې مې ښکل کړه په وجود کې يې طالبه!
يو بې شانه قيامت په کې پيدا شو