افغان اتلان · ادب او کلتور
پښتو شعرونه
د پښتو شاعرانو نړۍ ته ښه راغلاست
299 شاعران4249 شعرونه
غزل
ظلم کوه په دې زړګي خداى به دې ونه بخښي
خښ کړه په زړونو کې اغزي خداى به دې ونه بخښي
تا سره مينه ښايي تاسره خندا مزه کړي
چې ته کوې دا بې رحمي خداى به دې ونه بخښي
په اننګو دې ګوتې مه وهه سيده تېرېږه
تا ګناهګار کړل ټول زلمي خداى به دې ونه بخښي
ستا خو پر لب د ميو جام پروت دى نشه نشه يې
سترګو دې ټول کړل خماري خداى به دې ونه بخښي
تلاش دې و واهه نظر ورشه په لار کې پروت دى
ځان سره يوسه سپېلني خداى به دې ونه بخښي
١٣٩٠/٨/١
ورځ پنجشنبه د غرمې لس بجې- صفا راډيو