افغان اتلان · ادب او کلتور
پښتو شعرونه
د پښتو شاعرانو نړۍ ته ښه راغلاست
299 شاعران4249 شعرونه
غزل
روح له ما نه تللى زه دعا ته پاتې شوى يم
زه اوس هغه زه نه يمه تا ته پاتې شوى يم
زه په غم پيدا، په غم کې لوى شومه زلمى شومه
خاص لکه بې خاره خپل پاچا ته پاتې شوى يم
ته خو لاړې ياره د بل کور ته زه دې پرېښودم
زه لکه يتيم ماشوم ژړا ته پاتې شوى يم
اوس مې زړګى درد لري، هر چاته دومره نه ګوري
اوس لکه د بر کلي ملا ته پاتې شوى يم
ما خو کله زړونه ازار کړي د چا نه دي
ياره دغه چاره کې بابا ته پاتې شوى يم
پام ما ترېنه مې بېلوئ جارموشم قربان مو شم
زه له خپل تلاش سره په خوا کې پاتې شوى يم
١٣٩٠/٧/١٠