افغان اتلان · ادب او کلتور
پښتو شعرونه
د پښتو شاعرانو نړۍ ته ښه راغلاست
299 شاعران4249 شعرونه
غزل
بياچاترې کوکۍ په زور اخستې ده
چاله دې جلکۍ په زور اخستې ده
بيايې دي سرې شونډې لکه سور انګار
يخ ترېنه خولګۍ په زور اخستې ده
سترګې يې دي ډکې خوڅه نه وايي
ډار ترينه سلګۍ په زور اخستې ده
هغه سندرماره اوس خاموشه ده
مرګ ترېنه ټيکۍ په زور اخستې ده
ناسته له روشن سره تياره کې ده
غره ترېنه سپوږمۍ په زور اخستې ده