تورغر مې راته يادشي اوسپين غر مې راياديږي
مماڼې اوګــــــورګــــــــورې اونښترمې راياديږي
 
موسم دپسرلي دی هـره خوا وږمې خورې دي
سندرې دقمريانوهرسحر مــــــــې رايـــــاديږي
 
دپيغلو کتارونه په اوږو سره شــــــنه منــــــګي
رنګين دپسرلي په څېر ګودر مې رايــــــــاديږي
 
چــــــې جوړبه يې فضاکې يوانځور دمحبت کړ
دزاڼوکتـــــــــارونــــــــــه اولښکر مې راياديږي
 
چې کله څوک دلوړوغرونـــــــومونه راته واخلي
سالنګ ،کوهاټ ،شمشاداوماهيپر مې راياديږي
 
امونه رانيولې تــــــــــر بــــــولانــــــه تر جېلمه
شمله دپښتونخوا رنګين خيبر مې رايــــــاديږي
 
(روشنه )داهېــــــــــــواد موږته ډالۍ دهيچانده
پدې چې خاورې شوی هر يوسر مې راياديږي