د يوې ښكلي نه به كله زړه په پور واخلمه

ټينګ به مي وسوځي كه زه دغه بل اور واخلمه

لږ خو دي شونډي رانژدې كه او ما ښكل كه ګراني

بيا به نو زه  پر اوږو پېټى د پېغور واخلمه

تاو شي را تاو شي او بنګړي په مينه وشرنګوي

زه يې له سپينو ليڅو خوند  بنګړو نه شور واخلمه

خداى دي مي پېښ كړي پر يو سرې او تكي سپيني نجلۍ

چي سپينه خوله او اننګي ترېنه په زور واخلمه

كه مي پيسې چرته پيدا كړلې نو خامخا به

په نوې ښار كي پرې څلور منزله كور واخلمه