افغان اتلان · ادب او کلتور
پښتو شعرونه
د پښتو شاعرانو نړۍ ته ښه راغلاست
299 شاعران4249 شعرونه
غزل
زه چي كله خولې ته جام په نيت د ګنا پورته كړم
ته مي زړه ته راشې ياره ژوند مي شي ثواب_ثواب
ته خو د فطرت له شوره ډكه يو سندره يې
شونډي دي نرګيس غوندي او حُسن دي ګلاب_ګلاب
زما د دې بې رنګه ژوندون ته يې د يادګار فصل
تل درپسې اړومه پاڼي د كتاب_كتاب
ستا سرو اننګو ته مي والله چي څونه زړه كيږي
ته خو ټوله مينه يې په خوند لكه شراب_شراب
پام كوه (اميد) ته نور په شوخ نظر و نه ګورې
هسي هم زخمي دى نور به هم شي عذاب_عذاب