آخ! د ساقي د ميو جامه! پــــــه تــــا څه شوي دي؟
زما د زړه ملا امامه په تـــــــــا څــــه شــــــوي دي؟

نن دې پر شونډو اسوېلي بـــــيا غــــــزونـــې کوي
اى د پښتون ذليله قامه! په تـــــا څـــــه شوي دي؟

لکه چې پړک اسمان ته خېژي، ته خو داسې ختې!
څنګه را ولوېدې لــــه بــــامــــه په تا څه شوي دي؟

ستا د يارۍ کيسو له تا نه ښوونــځى پـــــاتــې کړو
اى په کلو،کلو ناکامه په تــــا څــــــه شــــــوي دي؟

ستا د کمڅو قوت خو دومره سېـــــــوا شـــوى نه و!
زيارمل دې ووتو له دامه، په تـــا څــــــــه شوي دي؟