افغان اتلان · ادب او کلتور
پښتو شعرونه
د پښتو شاعرانو نړۍ ته ښه راغلاست
299 شاعران4249 شعرونه
غزل
دستار اود پيکار او هم دکار سړي معلوم دي
برى وړي له دښمنه خو د شمار سړي معلوم دي
چې خاورې په منګول کړي ترې د زرو تمه کېږي
دى ښار که نا پرسانه خو د ښار سړي معلوم دي
باچا! ستا ترچترۍ لاندې ادم نه تر دې دمه
ددار سړي معلوم دي د سنګسار سړي معلوم دي
دا زمکه خو لا لرې ده اسمان نه هم سوال نه کړي
بې ننګه زمانه کې هم خود دار سړي معلوم دي
يو عمر يې تېرکړى په ډوډۍ پسې په منډه
عامر ته ځکه واړه بې روزګار سړي معلوم دي
2005 مارچ 2
پېښور