افغان اتلان · ادب او کلتور
پښتو شعرونه
د پښتو شاعرانو نړۍ ته ښه راغلاست
299 شاعران4249 شعرونه
غزل
خالقه ما خو بس هم دومره عبادت کړی دی
چې په دنيا کې مې شيخانو نه نفرت کړی دی
بويه چې ستر بدلون به راولم په سر د نړۍ
ما ددنيا د خواري کښو امامت کړی دی
اوس ددې خپلې محرومۍ کيسه به چا چا ته کړم
خلکوته وايمه چې ما هم محبت کړی دی
پرښتو څله مې جېبو نو کې ايمان لټوئ
ما په نېستۍ کې ددنياځينې رحلت کړی دی
خالقه ته پرې د سرو زرو باران ووروې
چاچې په مونږه غرېو نيولو شفقت کړی دی
چې زړه مې درکړو ، ناز دې هم وړم ، مينه هم درکوم
ښکليه خاتم هم کله دومره سخاوت کړی دی
پېښور پوهنتون
پنځم سپټمبر ۲۰۰۲