افغان اتلان · ادب او کلتور
پښتو شعرونه
د پښتو شاعرانو نړۍ ته ښه راغلاست
299 شاعران4249 شعرونه
غزل
څو بدرنګ چې غنمرنګ په پيسه اخلي
ښايستونه دي، چې زنګ په پيسه اخلي
زمونږ ښار د متضادو مجموعه ده
ځينې سوله ځينې جنګ په پيسه اخلي
د زړګوټو دنيا رنګ د وينې غواړي
زمانه ده، چې بس رنګ په پيسه اخلي
له ها ځاى نه د ښکلاوو لوګر راشي
مينه رېبي، شوخ وشنګ په پيسه اخلي
نور همه د زمانې مغل ته خم دي
يو خوشحال دى، چې اورنګ په پيسه اخلي
د ننګونو تبليغ دلته بې مانا دى
دلته خلک شته، چې ننګ په پيسه اخلي