څه لويه کيسه راتـــــــه رايـــــــاده شوه

ستا د خولې وږمــــــه راته راياده شوه

ستا د تـــــورو ظلــــــفو تصور کې بيا

هاغه توره شپه راته رايــــــــاده شـــوه

ځار دې د سرو شونډو له ګلپاڼو شم

سوځمه لمــــــبه راتــــــه رايـــاده شوه

چا ووې هغه مې راپه يـــــــاد شــــولو

چا ووې هغه راته رايــــــــاده شــــــــوه

بيا زما ويښته په بـــــــدن ودرېـــــدل

بيا هغه شېبه راته رايـــــــــاده شــــــوه

بيا مې ستا د شونډو شراب څښلي و

ښه شــــــــوه چې توبه راته راياده شوه

نيمه شــــــــپه الهام په سجده پرېوتم

خړه هديره راتــــــــــه رايــــــــاده شـــوه

2007.09.05