لري درنه لاړم جدايي مــــــــــې خـــــــــــوښــــه نه شوله
تانه چې جلا شوم ځــــــــانځـــــانى مې خوښه نه شوله

هريوه خپل کـــــــــــارکاوه همکاري موجوده نه وه کې
بل شان مې زړه تورشه، داسيالي مې خوښه نه شوله

ماويل آبادبه يې وطنه څــــــــوچــــــــې زه ژونـــــــديم
ډزدمزايل وه قصـــــــــابــــــــــــي مـــې خوښه نه شوله

ګران افغانســـــــــــــتانه څه وختونه چې تاتېرنه کړل
تېرکړل وطـــــــــن واله داخواري مې خوښه نه شوله

ټول يې ناآرام کړل قومندان په لاس ټوپک واخيست
ورکه داياري کړي بيماري مــــــــې خــــــــوښه نه شوله

ماويل زه يم، تاويل زه يــــم داټـــــــــــــول څـــــــــــــه ول
خپل وطن مووران که ســـــــــربازي مې خوښه نه شوله

راشه ! راشه ( امين زى ) تــــــــــــه نــــن حساب ورکړه
بــــــــــل وطــــــن ته لاړم پرديسي مې خوښه نه شوله