افغان اتلان · ادب او کلتور
پښتو شعرونه
د پښتو شاعرانو نړۍ ته ښه راغلاست
299 شاعران4249 شعرونه
غزل
لمونځ کوه، اودس او تلاوت کوه!
حج، عمره، روژه او عبادت کوه !
حوري دي، غلمان دي، جنتونه دي!
ژوند نه شته دی، غم د شهادت کوه!
ښه دی چې همداسې خدای وهلی يې!
چا درته ويل؛ چې محبت کوه !
څه به دې مني، څه به دې نه مني!
مشره دېوالونو کې حکومت کوه !
وينې د غريبو خلکو خرڅې کړه !
غږ د افغانيت او اسلاميت کوه !
مخکې شه، وکيل شه ځمکې غصب کړه
زور چې درسره دی؛ نو سياست کوه!
ښکلو باندې ورکړه د جهاد فتوا...!
کله؛ خو ځوابه! بغاوت کوه !