افغان اتلان · ادب او کلتور
پښتو شعرونه
د پښتو شاعرانو نړۍ ته ښه راغلاست
299 شاعران4249 شعرونه
غزل
جانان منمه، خو رقيب نه منم!
دا په کې هېڅ په کوم ترتيب نه منم
مسلمانانو کې شتمن نه منم!
په انسانانو کې غريب نه منم!
چې کله ستا مخالفت کومه!
بيا به؛ نو برخه د نصيب نه منم!
زه تل په خپله خوښه شعر ليکمه
فرمايشونه د اديب نه منم!
زما د زړه جومات کې جمعه ورکړه
بغير له تا نه بل خطيب نه منم!
ملا ويل کور، کالي، ډوډۍ غواړمه
خو کمونست ډاکټر نجيب نه منم!
ځواب د مينې ناروغي لرمه!
ښکليه ته راشه طبيب نه منم !