افغان اتلان · ادب او کلتور
پښتو شعرونه
د پښتو شاعرانو نړۍ ته ښه راغلاست
299 شاعران4249 شعرونه
غز ل
چې په ځان باندې ګومان تاته راځي
نو به ما پسې ارمان تاته راځي
پيره ستا په دعاګانو مخکې لاړل
تاسره دي مريدان تاته راځي
خوشالېږه خوشالي به دې نصيب شي
که خپګان کوې خپګان تاته راځي
که له خرو سره وې خره به درنه تاو وي
که انسان شولې انسان تاته راځي
رقيبان به لکه سپي درپسې غاپي
چې د ګل غوندې جانان تاته راځي