مورې زړه مې سوړدی لږیې تودکړه په تــــوده مینه
ستړی دی دژوندناخوالو وړې ترې خـــــــــوږه  مینه

پریږده چې لږوژاړمه ورسته مې بیاښکل کــــــړه ته
اوري مې په زړه دماشوم تـــــــــــوب وړه وړه مـــــینه

ګورم دټیکري تـــــــــــه الـــــــه ژرپـــــــلـــــــــو راواړوه
خلاص یې کړه اوراکړه تــرې یوڅودانې میوه مینه

خیردی که ترمنځ موهیوادونه اوسیـــــــــندونـه دي
لمونځ چې مورې وکړې په دعــــــــاکې رالیــږه مینه

مورې له تالري داژوندون راتــــــه ژوند نـه ښکاري
خدایږوڅنګه درشمه چې ښکل دې کړم کعبه مینه

دلته چې له چاسره مور وویـــــــــــنم نـــــــــــــولیـــږمه
نورخومې وس نه وي رابه زړه کړم ستازړه مـــــــینه

مینه مینه اوسه زماترژونده زمــــــــاخـــوږې مورې
ستاپه ژوندژوندۍ ده زمادژوندخوره وره میـــــنه

ربه غضري درنه په ژوند کې نورڅـــــــــه نــه غواړم
مورراسره پریږده درنه غواړم دغه یـــــــــوه مـــــینه