ستړیه ژونده شوبې یــــــــاره ژرژر درومه
سترګې مه غړوه خواره ژرژر درومـــــــــــه
رسوه مې دسکوت دناوې غـــــــــیږتــــــــه
که په غره وي که په لاره ژرژردرومــــــــــه
تر  ابده دارام امـــــــــــید حـــــــــــــــــرام دی
مله دردونه شوترداره ژرژر درومــــــــــــــه
یوه لحظه یې په تصویرلیموخواږه کــــړه
رڼې اوښکې له روخساره ژرژر درومـــــه
خوارقسمت چې دچړوپه څوکوشپه کړه
لکه څـړیکه له پـــــــــــرهــاره ژرژردرومه
عاقبت به دتیاروپه زړه کې ورک شــــي
څوک چې پایې ترسهاره ژرژردرومــــــه
دفلک لمن  له کــــــــــاڼـــــــوسلیـــــــته ده
ځان ګوښه که له سنګساره ژرژردرومه
دلته ماردوحشت ســـــــــــل سرونه کړي
هیڅوک نه پریږدي ترواره ژرژردرومه
غضري رنګه دښکلیوپــــه دې چم کې
رټل کیږې له نګاره ژرژردرومـــــــــــــه