راتــــــــه پښتون راته افغان مه وایه

راته مـــــومـــن او مسلمان  مه وایه

که مې وعــــده خــپــلـه پوره نه کړله

راته  میړه راته پــــټـــان  مــــه  وایــه

لکه فرهاد که  کوهکن که نشومـــه

راته  مجنون د  بــیابان  مه  وایـــــــه

همداسې وږی تــــــږی ښه یم ګرانې

تورې بورا ته سره ګــــــــلان مه وایه

سر مې که بایلولو ســـــــتا پـه مینه

دغـــــه هـدیې ته زما تاوان مه وایه

چې  تر مـــــــنــزله  رسیدلۍ  نه  وي

راته سالار ددې کـــــــاروان مه وایه

دغه هجران مې که وصــــال نکړلو!

 ګرانې بیا ماته میرویس خـان مه وایه

سټوکهلم سویډن

06/01/06     22:30