افغان اتلان · ادب او کلتور
پښتو شعرونه
د پښتو شاعرانو نړۍ ته ښه راغلاست
299 شاعران4249 شعرونه
اور او جنت
زړه مې مات دی، زړه مې مات دی، زړه مې مات دی
څه چې پاتې ، هغه ستا د سر خیرات دی
ستا د سترګو د جوړه کوترو ځاله
کوم کافر ویشتلی ، زما د زړه جومات دی
لږ مې پریږده چې په لیچو دې سر کیږدم
ژوند خو هسې هم د لمر پریوتو سات دی
هره شپه مې ګل وطن په خوب کې ګورم
ننګرهار دی، کندهار دی ، که هرات دی
خلک به وایي چې هادي په مزو سر دی !
دا وطن راته سور اور ، د خدای په ذات دی
۹/۲/۲۰۱۲
سیډني/اسټرالیا