افغان اتلان · ادب او کلتور
پښتو شعرونه
د پښتو شاعرانو نړۍ ته ښه راغلاست
299 شاعران4249 شعرونه
غزل
څو گيډۍ دُعا به د آمين په مــــــــــزي وتــــــــړم
زړه به مې د ښکلو د آئين په مـــــــزي وتــــــــــړم
نن به مې د سترگو کورکي ورته پرانستي وي
پريږده چې يو څو په کې حسين په مزي وتــړم
ټولې فلسفې به ستا د مينې په مخ شاته کـــړم
ښکلی غوندې شک به د يقين په مزي وتــــړم
هار د سپينو ليچو به په غاړه کې درواچـــــوم
وار وکړه چې زه خو لونگين په مزي وتــــــــړم
رادې شي کوترې دې د ”باز“ په سينه وگرځي
زه به يې وزرونه ښه سنگين په مــزي وتـــــړم