هوښیاره پام دلیونو کلې دی

داد زنځیر او زولنو کلې دی

هسې په خړو خاورو مه تیر وځه

دا دزمرو او میړنو کلې دی

دبد نظر په سترګو ونه ګوری

اغیاره ، دا د تربګنو کلې دی

دصفا نیت قدم په سترګو مني

پوه شه چې داد میلمنو کلې دی

سرکې دې خیال پرونې نه شي تازه

داد همغو پرونو کلې دی

دلته سینو کې حوصلې هم شته دي

که نه نو دا هم دفتنو کلې دی

دمرګ ګولو ته یې ټټر نیولې

دادغلبیل غلبیل سینو کلې دی

دوخت قاتل دی قتل شوی دلته

دا دپښتو او پښتنو کلې دی

ځواني زما دې شي لوګې ورځنی

دادلوګو او سپیلنو کلې دی

کابل

۱۳۶۴  /  ۵ / ۲۷