افغان اتلان · ادب او کلتور
پښتو شعرونه
د پښتو شاعرانو نړۍ ته ښه راغلاست
299 شاعران4249 شعرونه
وصال
پردی وطن هــوا ســړه وه خــــوخـــــوږه خوږه وه
تبجنه غېږه کې مې شپه خــــو خــــوږه خـــوږه وه
دسرو شرابو کـــيـفيت هسې مقــــــام تـه بوتـــلم
جنت مې هېر ماته توبه وه خــوخــــوږه خــوږه وه
موږ په تلوار تلوارله يـــو بـــله جـــامـــې ووېستې
هوس ياغي حيا ويـــــده وه خـــوخـــوږه خوږه وه
ما يې په سپين مخ و جوړ کــــــړی دمچکو باران
پسته مسته وه پاغونده وه خــــو خـــوږه خوږه وه
يودبـــل خوله کې مـــو په مـينه مينه سا اخيسته
جلئ خوږه خــولـــګۍ وه خــو خــــوږه خوږه وه
دې هم موښـــلې زمـــا پـــه شونډو دانارو څوکې
لکه سکروټه تکه سره وه خو خـــوږه خـــوږه وه
لکه مـــاران يو لـــه بــل تــاو نڅا مو کړه په هنر
ټيپ کې چالان نرمه نغمه وه خو خوږه خوږه وه
دعشق له نوم يـــې نــوم اخیــــستی له پخوا زمانو
«لفوف»دښکــلو ښــاريه وه خــو خوږه خوږه وه
پـــه سپينه ږيره رســوا کـــــېـږم،کـــسر نه ليکمه
بس دځــوانئ يــوه کيسه وه خـــوخوږه خــوږه وه.
«لفوف» د اوکراین يو ښکلی لرغونی ښار دی
جنوري 2020 لونګبي ډنمارک