بـــــورا چه مست شې په اغزو خیژې

پتنــــګ چه مست شې په لمبو خیژې

لــــه زاهـــــــدانــــو چه شې ماته تقوا

لار شې تری ورکــــــه په تو بو خیژې

ملا چه ښکل کړې  بـــــلورېن اننګې

جوړ ترینه (جان) شې په تسبو خیژې

دښیښه ئې شونډو کـو ثر چه وڅښې

شیـــــخان له مخی په سجدو خیژې

دادغـــــــــــــټانو یو فطرې خاصه ده

حال چه بــــــــدل شې په وعدو خیژې

داقــــتدار مــــقــــام تــــه تلل لیونې

څوک په لنډو څوک په اوږدو خیژې

خـــواران چــــه وټـاکې خادم ځان لره

خــــادم دخــــــوارو پـــه اوږو خیژې

خــــــزانــــه نه شته ده پو ښتنه دلته

وړ چـــــه د دار وې په کمڅو خیژې