نـه ســـاقې شته نه رندان نه میخانې شته

نه محفل شته ، نه یاران ، نه پیمانې شته 

نــــه شــــرابـــو کــــې نشې دې پاتې شوې

نه دسرو شونــــډو خیرات اونذرانی شته

پــــه مـــا لـــت کـې دظلمت اورونه بل دې

نه لیلا شته نــــه مــجـنـون نه فسانې شته

هر څه سوې دهجران پـــه ســـرو لمبو کې

نه ایرې شته نه یې نـوری نــــښانــــې شته

په وچ ډاګ کې داغزو په بستر پروت یم

نه بلبل شته نه ګـــلان نـــه تـــرانــــې شـته

نــــه ( خــزان ) دتیر وختونو په څیر پاتې

نـــه هـــغــسې دود دستور دزمانې شته