افغان اتلان · ادب او کلتور
پښتو شعرونه
د پښتو شاعرانو نړۍ ته ښه راغلاست
299 شاعران4249 شعرونه
غزل
داسې ګل شوې چې ګلزار درپسې ګوري
د بلبلو يو کتار درپسې ګوري
ته چې هسکه غاړه تېره په ګودر شې
جګ نښتر او لوړ چنار درپسې ګوري
د سرو شونډو لال دې پټ ګرځوه ياره
پرې وېرېږمه، ښامار درپسې ګوري
خدايږو ستا زړه به په چا پسې درزيږي
زما سترګې په دې لار درپسې ګوري
د قاف غره کې يې پيدا نه کړې جانانه
هېواد تللى ننګرهار درپسې ګوري.
2005 مالمو.