ما چی وی ځوانی می په ستنه راتله

ستا په خورو شونډو چی پلمه راتله

لطف یې دنګاه له سده وړی وم

څنګه به په خوله ورته شکوه راتله

درسته شپه می هیله چورلیده په زړه

خواته دسری شمی پروانه راتله

څومره به ستومانه وی دخیال پری

درسته شپه می  سوی زړه ته تله راتله

سیوری یې دزلفو چی پری ولویدو

اوښکو ډیوی  بلی کړی چی شپه راتله

څومره خاطر خواه یې ایښود پل په ناز

ماچی ویل سرته می نشه راتله

خوب می لید «پسرلیه» ځی راځی ښکلی

څومره چی کیدای شی ښایسته راتله