افغان اتلان · ادب او کلتور
پښتو شعرونه
د پښتو شاعرانو نړۍ ته ښه راغلاست
299 شاعران4249 شعرونه
د څیلې ګلاب
ښکالو د خندا نشته ده ، د ویرژړلو ښار کې
اغزي راټوکیدلي د سمسورو ګلو ښار کې
چې باغ یې د سندرو د مستۍ له شوره ډک و
رابره خاموشي ده ، د هغو بلبلو ښارکې
زه خپل زړه ته حیران یم ، د سړې څیلې ګلاب ته
چې تمه د الفت لری ، د ښکلو ښکلو ښار کې
پرون یې په هینداره کې حیرت د غوټۍ مات کړ
نن پاڼې پاڼې پروت دی ، د کږو وربلو ښار کې
ملا یې په یوه غړب له اوو واړو نه تېر شو
ماتیږي سوګندونه د رنګینو ملو ښار کې