پښتو شعرونه
د پښتو شاعرانو نړۍ ته ښه راغلاست
يو سيو ری ،يو ګل
مرغیو ! چوپ شئ ماله خوب راځي
دلته دزړونو باغچې شنډې دي
یو سیری اویو ګل نشته
دلته دسین سپینو هندارو کې
دلمر
دطلایي کبانو رنګ تور شو
دلته دشونډو دموسکا وو هوسۍ
قتلې شولې
غشو یو وړې
او بنګړیواله سپوږمې
دلته دتاک پیغلو ته
دستورو بنګړي نه اچوي
مرغیو
چوپ شئ
ماله
خوب راځي
مرغیو چوپ شئ مله خوب راځي !
* * *
دلته دباغ دشهزادګۍ بکارت مات دی
دسپرلي ښکلې شهۍ
دقاف دیوانو وړي
دلته پرونو
د « ایوب » سیوری راخوردی
هرې پاڼې
هر اندام نه یې چینجي ووري
دلته تیارې
دشپو په بلار بو اسپو راغلې
درڼا در مو لو کوي
دلته کورونو ته
دژوند له شوم شیروار نه دسپیدو کټوې تشې رازي
مرغیو !
چوپ شئ
ماله
خوب
راځي.
۱۲ / ۴ / ۱۳۷۶
کابل